Eku pa kelingwan anyang malati ku,
Malati ka naman ikang kakyalung ku.
Maligaya ku bie keti babo yatu,
Uling balang saglit achu ka siping ku.
.
Mamyalungan kata, piko ampong sintak,
Kung ninong masambut parusahan yang terak.
Oneng yaku rugu migkulang kung palad,
Pigtiririn mu ku saka ku tinerak.
.
Kabang teterak ku, lulundag luluksu,
Sabe ning sagakgak, palapak ing gamat mu.
Emuku tiknangan anggang mepagal ku,
Sinunga ku rugu tinulo ing pawas ku.
No comments:
Post a Comment