BLOODY PROBLEM

WALA ang remote ng TV sa bahay at kailangan talaga ito para mabuksan siya, at dahil wala ngang remote, ‘di kami makanood ng TV… ang lupet! Pagdating sa bahay, chill lang sa kuwarto ang drama. One night… naiinip din siguro, pinuntahan ako ng pinsan kong si Lenix sa room para makipagkuwentuhan. Kuwentuhan lang ng kung anu-ano hanggang mauwi ang kuwentuhan sa pagsagot sa mga ganitong usapan/tanong;
.
Una:
Isang castle na may pitong palapag at bawat palapag ay may bantay. Nasa pinaka-top na palapag ang princess at kailangan mo siyang puntahan. Kailangan mong magdala ng prutas, at kalahati ng prutas na dala mo ay ibibigay mo sa bantay na nasa unang palapag at sa prutas na ibinigay mo sa bantay, kailangang bigyan ka niya ng isa, ganu’n din sa mga susunod na palapag. At dapat, pagdating mo sa top, sa princess, dalawa ang prutas na matitira sa’yo.
.
Question: Ilang prutas ang dapat mong dalhin?
.
Pangalawa;
May dalawang water container na ‘di transparent. Isang 5 litters at isang 3 litters. Kapag lalagyan mo ng water ang mga container, dapat laging puno at kapag tatanggalan mo naman ng water, dapat ubos din.
.
Question: Paano mo malalaman na ang inilagay mong water sa isa sa kanila ay 4 litters na?
.
Pangatlo;
May nine balls at isang timbangan. Walo sa siyam na bola ay pare-pareho ng bigat at ‘yung isa ang pinakamabigat.
.
Question: Paano mo malalaman kung alin ang pinakamabigat na bola kung dalawang beses mo lang magagamit ‘yung timbangan?
.
Ganyan ang naging takbo ng kuwentuhan namin hanggang sa maubusan na kami. Sabi ko kay Lenix, “question pa!” Then kumuha siya ng one whole yellow paper at may isinulat, after that, ibinigay niya sa akin…
.
BLOODY PROBLEM!!!
.
Find x and y
.
15 = 3x + 9y
18 = 6x + 24y
.
My goodness… bigyan ba naman ako ng isang math problem?! I HATE MATH!!!

Anyway, dahil talagang wala akong magawa, pinatulan ko ‘yun, sinubukan kong I solve. and I found out na ‘di pa pala nawawala “sakit” ko pagdating sa Math. I really hate Math, though sinasabi ng iba na madali lang daw ito kasi walang memorization. My goodness, mag-memorize na tayo ng isang libro, ‘wag mo lang akong bigyan ng isang Math problem, nagdurugo utak ko rito no!
Going back… I found out nga na ‘di pa nawawala ang “sakit” ko sa Math, ganito ‘yon. After 30 minutes na ‘di ko talaga makuha ‘yung pinaso-solve ni Lenix, ‘yun na… naiinis na ako, nagagalit at nakasimangot na ako! Ginugusot at itinatapon ko na ang paper kung saan ako nagso-solve, ilang yellow paper na rin ang nasayang ko sa kaka-solve no.
Paglipas pa ng ilang sandali, suko na ako, sabi ko, ayoko na! Then he smiled at me, at sabi kaya mo ‘yan. Inis na inis na talaga ako hanggang sa si Lenix na ang nag-solve.
Ano ang sagot sa math problem? Try ninyong i-solve baka kayo masagot ninyo.
.
Happy weekend!